Ne vous oubli je nullement

Ne me veuillez pas oublier Pour tant si je vous suis lontains, Belle, je vous vueil supplier Qu’il vous souviengne que je n’aims Fors vous, et pour tant, se je mains Hors du païs si longuement, Ne vous oubli je nullement. Ce me ferait com fol lier, Et com dervez, et piez et mains, S’a autre veoie alier Votre doulz cuer, mieulz voudrais ains Mourir que part y eussent mains ; Mais pour peine, ne pour tourment, Ne vous oubli je nullement. Si me fault melancolier Loin de vous, en pleurs et en plains ; Ne le courroux entroublier Ne puis, dont li miens cœurs est pleins ; Et si ne savez mes reclaims ; Mais sachiez qu’un tout seul moment Ne vous oubli je nullement.