Ballade IV (On parle de religion)

On parle de religion Qui est d’estroicte gouvernance, Et par ardant devocion, Portent mainte dure penance ; Mais, ainsi que j’ai congnoissance, Et selon mon entencion. Entre tous j’ai compassion Des amoureux de l’observance. Toujours par contemplacion Tiennent leurs cueurs raviz en transe, Pour venir par perfection Au haut Paradis de Plaisance ; Chaud, froid, soif et fain d’espérance Seuffient en mainte nacion ; Telle est la conversacion Des amoureux de l’observance. Piez nuz, de Consolacion Quierent l’aumosne ; d’alegance Or ne veulent ne pension, Fors de Pitié ; pauvre pitance, En bissacs plains de Souvenance, Pour leur simple provision ! N’est ce saincte condicion Des amoureux de l’observance ? Des bigotz ne quiers l’accointance, Ne loue leur oppinion, Mais me tiens, par affection, Des amoureux de l’observance.