Bel a mes yeux, et bon a mon avis

Bel a mes yeux, et bon a mon avis, Trés assouvi de grace et de tout bien. Digne d’honneur, plaisant sur toute rien, Êtes m’amour sur touz a mon devis. Jeune, gentil, gent de corps et de vis, Sage, humble et doulz, de gracieux maintien, Bel a mes yeux, et bon a mon avis. Et quant veoir je vous puis vis a vis J’ai tel plaisir, dont vous êtes tout mien, Qu’en ce monde plus ne voudrais rien ; Car vous êtes sur tous, je vous plevis, Bel a mes yeux, et bon a mon avis.