Si mes vers innocentz ont fait à leur deçeu

Si mes vers innocentz ont fait à leur deçeu Couroucer vostre front d’une faute imprudente, C’est l'amour qui par eux vostre louange chante, Amour a fait le mal, si du mal y a eu : Lichas l'infortuné porta ainsi deçeu Au filz d’Amphitrion la chemise sanglante. Telle fut la priere, & folle & ignorante, De la mere du Dieu par le fouldre conçeu : Vous avez à l’amour bandé l'ame & la veuë, L’amour ha de raison la mienne despourveuë, Si nous avons failly, d’où viendra le deffaut ? Excusez les effectz de l’amour aveuglee, Excusez la fureur ardente & desreglee, Puisque ce n’est point crime, où l'innocence faut.