L’une vous ayme, et si ne peult sçavoir

L’une vous ayme, & si ne peult sçavoir Qu’Amour luy soit ou propice, ou contraire : L’autre envers vous faict si bien son debvoir, Que plus ne sçait, ou vous doibve complaire. Or je demande en si doubteux affaire A quelle plus debuez estre tenu ? Car celle là d’un cueur simplement nu Pour vous se oublie, & pour soy pensive est ; Et ceste cy, taschant par le menu A vous gaigner, de son bien se desvest.