Pour la même

Il n’est rien de si beau comme Caliste est belle : C’est une œuvre où Nature a fait tous ses efforts ; Et nostre âge est ingrat qui voit tant de tresors, S’il n’éleve à sa gloire une marque eternelle. La clarté de son teint n’est pas chose mortelle : Le baume est dans sa bouche, et les roses dehors ; Sa parole et sa voix ressuscitent les morts, Et l’art n’égalle point sa douceur naturelle. La blancheur de sa gorge éblouït les regards ; Amour est en ses yeux, il y trempe ses dards, Et la fait recognoistre un miracle visible. En ce nombre infiny de graces et d’appas, Qu’en dis-tu, ma raison ? croy-tu qu’il soit possible D’avoir du jugement et ne l’adorer pas ?