Un seul je hais, qui deux me faict aymer

Un seul je hais, qui deux me faict aymer Plus par pitié d’aveuglee jeunesse, Qui trouve doulx ce, que je trouve amer, Que par instinct d'amoureuse destresse, Laquelle toute au quatriesme m'adresse. Le voyant tout en moy se iniquiter. Parquoy, vaulant envers tous m'acquicter, Contraincte suis (afin que ne m'escarte) Fuyant les trois, le quatriesme quicter, Pour non trembler si grosse fievre quarte.