Prenez en gré le don de votre amant

Ce jour de l’an que l’en doit estrener, Trés chère dame, entièrement vous donne Mon cuer, mon corps, quanque je puis finer ; A vo vouloir de tous poins abandonne Moi, et mes biens vous ottroy, belle et bonne ; Si vous envoy ce petit dyamant, Prenez en gré le don de votre amant. Je vous dois bien tout quanque j’ai donner ; Car ou monde n’a nulle autre personne Qui les me peüst tant guerredonner, Com vous, belle, qui la fin et la bonne Êtes, qui tous mes biens drece et ordonne ; Si vueil être tout votre en vous amant, Prenez en gré le don de votre amant. Or vuellliez donc vo doulz cuer assener A moi aussi ; ne soiez si felonne Que me faciez jusqua la mort pener. Ostez le mal qui en mon cuer s’entonne. Si porteray des amans la couronne ; Mon cuer vous donne et le votre demand, Prenez en gré le don de votre amant.