Puis que, de nom et de faict, trop severe

Puis que de nom, & de faict trop severe En mon endroict te puis appercevoir, Ne t’esbahis si point je persevere A faire tant par art, & par sçavoir, Que tu lairras d’aller les autres veoir : Non que de toy je me voulsisse plaindre, Comme voulant ta liberté contraindre : Mais advis m’est, que ton sainct entretien Ne peult si bien en ces autres empraindre Tes motz dorez, comme au cueur, qui est tien.