Sera retrait de leur haute vaillance

Haultes dames, honnourez grandement Et vous toutes damoiselles et femmes Les sept vaillants qui ont fait tellement Qu’a toujours mais sera nom de leurs armes. Nez quant les corps seront dessoubz les lames, Remaindra loz de leur fait en mémoire En grant honneur au royaume de France ; Si qu’a toujours, en mainte belle hystoire, Sera retrait de leur hauite vaillance. Et, comme on sieult faire ancienement Aux bons vaillants chevalereux et fermes, Couronnez lez de laurier liement, Car c’est li droit de Vittoire et li termes. Bien leur affiert le laurier et les palmes De tout honneur, en signe de Vittoire, Quant ont occis et mené a oultrance L’orgueil anglois, dont, com chose notoire, Sera retrait de leur hauite vaillance. Et tant s’i sont porté tuit vaillamment Que Ten doit bien leurs noms mettre en beaulx termes Au bon seigneur du Chastel grandement Lui affiert loz, a Bataille non blasmes, Bien fu aisié Barbasan en ses armes, Champaigne aussi en doit avoir grant gloire Et Archambault, Clignet de grant constance, Keralouÿs, de ceux, ce devons croire, Sera retrait de leur haute vaillance. Princeces trés haultes, ayez mémoire Des bons vaillants qui, par longue souffrance, Ont tant acquis qu’en maint lieux, chose est voire, Sera retrait de leur haute vaillance.