N’on n’en pourrait assez médire

Jadis Circes l’enchanteresse Fit chevaliers devenir porcs ; Mais Ulixes par sa sagece De ce meschief les gitta hors. Mais je ne sais se c’est droit sors D’aucunes gens, dont j’ai grant ire, Qui sont plus que pors vilz et ors, N’on n’en pourrait assez médire. Grands vanteurs sont et sans proece, Mais trés bien parez par dehors. Orgueilleux pour leur gentillece, Et tiennent bien aise leurs corps ; Mais en eux a maint mal remors, Et combien qu’on ne l’ose dire A bien fane n’ont pas amors, N’on n’en pourrait assez médire. Il n’est nulle si grant maistrcce, Ne femme autre, soit droit ou tors, Que leur fausse lengue ne blesse Leur bon renom ; aise sont lors Quant ilz en font mauvais rapors, Qui s’i voudra mirer s’y mire, Mais mieulx que vifs vaulsissent mors, N’on n’en pourrait assez médire. Je ne mesdi de nullui, fors D’aucuns qui sont de Judas pire Et sont de tous mauvais accors, N’on n’en pourrait assez médire.