Veux-tu plaider, Amour ? ou s’il faut que j’endure

Veux-tu plaider, Amour ? ou s’il faut que j’endure Les maux que tu me fais ? non, j’ayme mieux plaider. Je t’adjourne, j’informe, & veux te demander La somme & l’interest de tout ce que j’endure, Tu me repareras l’injustice & l’injure Dont tu use envers moy ; la Raison veut m’aider, Comptons, Amour, tous deux, commence à regarder Mes services passez, & m’en paye l’usure ; Ma Maistresse sera pour moy à ce besoin : Je la veux pour arbitre, ou juge, ou pour tesmoin, Ouy, je veux qu’elle soit arbitre de ma vie, Et ne puis recuser, combien que je cognoys Qu’elle n’a droict escript, ne coustume, ne loix, Et que, pour m’achever, elle est juge & partie.