C’est une ardeur d’autant plus violente

C’est une ardeur d’autant plus violente, Qu’elle ne peult par Mort, ny temps perir : Car la vertu est d’une action lente, Qui tant plus va, plus vient a se nourrir. Mais bien d’Amour la flamme on voit mourir Aussi soubdain, qu’on la voit allumee, Pource qu’elle est tousjours accoustumee, Comme le feu, a force, & vehemence : Et celle là n’est jamais consumee : Car sa vigueur s’augmente en sa clemence.