Je dispute pour vous contre ceste lignee

Je dispute pour vous contre ceste lignee, Tige de tant de Ducs, de Princes & Seigneurs, Puis je debas l’honneur de vos prédecesseurs Contre vous qu’un tel sang a la terre donnee. Je suis en tel combat que mon ame estonnee Balance inconstamment à vos divins honneurs, Ores pour vos vertus, ores pour vos grandeurs. Pour l'honneur & pour l'heur auquel vous estes nee. Ce nom Salviati s’esleve jusqu’aux cieux, Vostre perfection n’imite que les Dieux. J’estime la grandeur une celeste grace. Ce don n’est rien, s’il n’est d’autres dons decoré : C’est beaucoup d’estre ainsi de sa race honoré, Mais c’est encores plus d’estre honneur de sa race.