Jamais ne vestiray que noir

Jamais ne vestiray que noir, Puis que l’en m’a donné congié, Et que du tout m’a estrangié Ma dame qui me fit son hoir. Plus n’entreray en son manoir, Et pour le trés grant deuil que j’ai Jamais ne vestiray que noir. Si ne quier plus cy remanoir, Durement y suis laidengié, Trop s’est le temps vers moi changié, Et pour plus en ce deuil manoir Jamais ne vestiray que noir.