Plus ne m’en chault, la congnoissant à l’œil

Plus ne m’en chault, la congnoissant a l’œil, Comme chascun, non plus belle, que bonne : Mais ce, qui plus m’est grief soubz le Soleil, Et qui mon ame esbahit, & estonne, C’est que par tout j’oy un bruict, qui resonne De quelque eclipse a mon Jour survenu, Mais bien a moy : car il m’à prevenu, Tesmoing n’en veulx, que la perseverance, Par qui il est tant allé, & venu, Ou moins doubtois en ma foible asseurance.