Ceux qui font à leur dos un innocent outrage

Ceux qui font à leur dos un innocent outrage. Enhardis à leur perte & sur soy courageux, Bourrelés des pechez & des tours vicieux, Qui reviennent au rouge en leur aspre courage, Ont un’ humeur pareille à l’amoureuse rage. Je suis cruel sur moy, ils sont cruelz sur eux, Ilz pensent meriter, & je me sen’ heureux, Comme ilz font de leurs coups, de mon propre dommage ; D’un zele hypocritique ils perdent la pitié, Je suis impitoyable en ma folle amitié, Ils pleignent fort leurs maux, moy je ne puis me taire, Mais ils sont repentans d’un enorme forfait, En ce poinct seulement nostre mal est contraire, Car si je suis martyr, c’est pour n’avoir rien fait.