Ce grand renom de ton meslé sçavoir

Ce grand renom de ton meslé sçavoir Demonstre bien, que tu es l’excellence De toute grace exquise pour avoir Tous dons des Cieulx en pleine jouyssance. Peu de sçavoir, que tu fais grand nuysance A mon esprit, qui n’à la promptitude De mercier les Cieulx pour l’habitude De celui là, ou les trois Graces prinses Contentes sont de telle servitude Par les vertus, qui en luy sont comprinses.