Renge mon cuer qui fors vous ne désire

Flour de beaulté en valeur souverain, Raim de bonté, plante de toute grâce, Grace d’avoir sur tous le pris a plain, Plain de savoir et qui tous maux efface, Face plaisant, corps digne de louenge, Ange en semblant ou il n’a que redire, D’ire vuidié, a vous des preux ou renge, Renge mon cuer qui fors vous ne désire. Et j’ai espoir qu’il soit en votre main Main jour et nuit en gracieux espace, Passe le temps, car ja a bien haultain Atain par vous, et amours qui m’enlasce Lasce mon cuer qui du votre est eschange. Change vous fais de lui qui vous remire. Mire plaisant, a vous qui joie arrenge, Renge mon cuer qui fois vous ne désire. Si me contraint a l’amour dont vous aim L’aim de vos yeuiz ou grant douceur s’amasse, Masse d’honneur ou j’ai tout mon reclaim, Claim des vaillants dont nul temps ne me lasse. Lasse ! comment or a prime m’i prenge ? Prends je en amer riens qui mon bien dessire, Sire, en vo main qui des bons ne desrenge Renge mon cuer qui fors vous ne désire. Amis loyaulx, cil qui maint mcschief venge, Venge mon cuer du votre en lieu élire, Lire a doulz son, afin que je le prenge, Renge mon cuer qui fors vous ne désire.